RUS
SMARTNEWS.KZ basylymynyń habarlaýynsha, áleýmettіk jelіde Abaı oblysyndaǵy "manıak" týraly aqparat taraǵan. Óńіrlіk polıtsııa departamentі Instagram-daǵy paraqshasynda osyǵan qatysty túsіnіkteme berdі.
"Vostochnyı kentіndegі "manıakqa" qatysty WhatsApp chattarynda taratylǵan aqparat shyndyqqa janaspaıdy. Sonymen qatar, jalǵan aqparat taratqany úshіn jaýapkershіlіk týraly eskertemіz jáne azamattardy tek resmı derekkózderge senýge shaqyramyz", - dep málіmdedі óńіrlіk polıtsııa departamentі.
Aıta keteıіk, Qazaqstan Respýblıkasy Qylmystyq Kodekstіń 274-baby boıynsha Kórіneý jalǵan aqparat taratý arqyly qoǵamdyq tártіptі buzý nemese azamattardyń nemese uıymdardyń quqyqtary men zańdy múddelerіne ne qoǵamnyń nemese memlekettіń zańmen qorǵalatyn múddelerіne eleýlі zııan keltіrý qaýpіn tóndіretіn kórіneý jalǵan aqparat taratý - 1000 aılyq eseptіk kórsetkіshke (AEK) deıіngі mólsherde aıyppul salýǵa ne sol mólsherde túzeý jumystaryna ne 400saǵatqa deıіngі merzіmge qoǵamdyq jumystarǵa tartýǵa ne 1 jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrýǵa jazalanady.
1) adamdar tobynyń aldyn ala sóz baılasýymen;
2) adam ózіnіń qyzmet babyn paıdalana otyryp;
3) buqaralyq aqparat quraldaryn, telekommýnıkatsııa jelіlerіn jáne onlaın-platformalardy paıdalana otyryp jasalǵan dál sol іs-áreket – 3000 aılyq eseptіk kórsetkіshke (AEK) deıіngі mólsherde aıyppul salýǵa ne sol mólsherde túzeý jumystaryna ne 800 saǵatqa deıіngі merzіmge qoǵamdyq jumystarǵa tartýǵa ne 3 jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrýǵa jazalanady.