RUS
SMARTNEWS.KZ басылымының хабарлауынша, дәрі-дәрмектердің қол жетімділігі — бұл денсаулық сақтау саласындағы басым бағыттардың бірі.
Дәрілік заттардың бағасына келетін болсақ, Қазақстан дәрілік заттардың бағасын реттейтін санаулы елдердің бірі екенін білу маңызды.
Жылына екі рет ҚР Денсаулық сақтау министрлігі монополияға қарсы органмен келісім бойынша бөлшек және көтерме саудада өткізуге арналған бағалық реттеуге жататын дәрілік заттардың сауда атауына шекті бағаларды бекітеді.
Бүгінгі күні Қазақстан Республикасы Денсаулық сақтау министрінің 2023 жылғы 7 тамыздағы № 465 бұйрығымен дәрілік заттардың 6890 сауда атауының шекті бағасы бекітілді.
Естеріңізге сала кетейік, ҚР «Әкімшілік құқық бұзушылық туралы» Кодексінің 426-бабына сәйкес препаратты бекітілген шекті бағадан жоғары сатқаны үшін жауапкершілік қарастырылған.
Алайда, бұл туралы барлық азаматтар біле бермейді.
Егер сізге дәріханада дәрі-дәрмектерді шекті бағадан жоғары сатқан жағдайда, шағымды DariKZ мобильді қосымшасы арқылы жаза аласыз. Онда сіз препараттың шекті бағасын таба аласыз. Сондай-ақ, сіз өтінішті онлайн eOtinish азаматтарының барлық өтініштерін қабылдау мен өңдеудің бірыңғай платформасы арқылы немесе орналасқан жері бойынша Медициналық және фармацевтикалық бақылау комитетінің аумақтық департаментіне жазбаша түрде жаза аласыз. Өтінішке сатып алу туралы чек қоса тіркеу қажет.