RUS
SMARTNEWS басылымының хабарлауынша, неміс Mercedes-Benz электромобиль өндірушісі Tesla-ны басып озып, ең қымбат автомобиль брендіне айналды. Бұл туралы Brand Finance халықаралық агенттігі жазды.
Халықаралық талдау агенттігінің жыл сайынғы баяндамасына сәйкес Tesla бренді Mercedes-Benz-тің артында қалды.
«Тесланың рейтиңдегі құлдырауы электромобиль брендін өндірушісі Илон Масктың айналасындағы қарама-қайшылықтарға байланысты боп отыр», - делінген хабарламада.
Mercedes-Benz брендінің құны 1%-ға өсіп, 59,4 миллиард долларға жетсе, ал Tesla бренді 12%-ға, 58,3 миллиард долларға дейін арзандаған.
Сондай-ақ BYD Қытайдың ең құнды автобренді болып танылды. Оның құны 20%-ға өсіп, 12,1 миллиард долларға жетті.
Осылайша бүкіл әлемде қытайлық электромобильге деген қызығушылық артып келеді.